Festival Festa Raxada

Descripció

Festa Raxada é un festival cultural e musical autoxestionado que se celebra no monte comunal de Couso (Gondomar) do 11 ao 14 de xuño de 2026. Durante catro días, a música en directo, a cultura popular e a vida comunitaria conviven nun espazo único, xestionado pola propia veciñanza e pensado para facer festa desde o común. O festival aposta pola música galega contemporánea, combinando concertos con actividades culturais, feira artesá, gastronomía local e espazos de encontro. A programación distribúese por diferentes puntos do monte e da parroquia —campo de fútbol, anfiteatro natural, centro social, praza, bosque e sendeiros— convertendo o territorio nun escenario vivo. A Festa Raxada non é só un festival de concertos: é un lugar para quedar, compartir tempo, bailar, comer xuntas e celebrar. Un proxecto con identidade propia, enraizado no rural, que defende un modelo sostible, participativo e accesible, no que a comunidade forma parte activa do evento. Catro días para gozar da música, do monte e da xente. Catro días para rachar coa rutina e facer festa en común.