ÁLEX CONDE TRÍO

De educación pianística clásica, Álex estudou primeiro no Conservatorio Jose Iturbi
de Valencia e continuou no Berklee College of Music de Boston e mais no Aaron
Copland Conservatory de Nova York xunto a mestres lendarios
como Antonio Hart, Mike Mossman, David Berkman e Jimmy Heath.
Tamén tivo ocasión de instruírse xunto ao gran pianista Barry Harris.
Talento en auxe da escena musical actual, tras un extenso período
de formación e desenvolvemento en EEUU, volve a España para
continua-la súa carreira profesional e dar a coñece-lo seu traballo.
Fundou o Piano Flamenco Institute de Nova York, único dedicado ao
estudo desta disciplina. O importante labor de Conde na defensa,
conservación e divulgación do patrimonio nacional continúao Álex
Conde Flamenco Jazz, que aposta pola recuperación, revitalización e
transmisión da cultura musical española.
Álex Conde conta coas producións discográficas Jazz and Claps
(2008), Barrio del Carmen (2013), Descarga for Monk (2015), Origins
(2018), Descarga for Bud (2020), Los Indultados (2023) e El Trío
(2024), froito de diversas agrupacións musicais que presentou en
prestixiosos escenarios dos Estados Unidos como Blue Note de Nova
York, Beantown Jazz Festival, Panama Jazz Festival, Kimmel Center
de Philadelphia, Opera House de Houston, Festival Flamenco de
Nova York, SFJazz de San Francisco, San Jose Jazz Festival, Atlantic
Jazz Festival e, así mesmo, en sobranceiros escenarios nacionais
como Las Noches do Botánico de Madrid e Festival do Cante das
Minas da Unión.

SEADA QUARTET

Grupo integrado por algúns dos mozos máis prometedores da escena
jazz galega que establecen relación durante os anos de estudo no
Conservatorio Superior de Música da Coruña e comezan a compartir clases e escenarios.
O cuarteto nace a finais do 2023, cando, tras anos participando
xuntos en distintas formacións, se unen os membros coa intención
de desenvolve-las súas ideas e dar lugar a unha estética propia e
recoñecible a partir de composicións orixinais, as cales beben da súa
forma de ve-la música sumada ao jazz contemporáneo e a outros
sons actuais.
Desde entón, Seada actuou en diferentes clubs de jazz de Galicia,
así como en festivais do talle de XXVI JazzBer e 47º Festival
Internacional de Jazz de Getxo (Seada queda entre os catro finalistas
do Concurso de Grupos no que participaban máis de cen formacións
de toda Europa).