CONDICIÓNS XERAIS

A entrada é válida unicamente para a data e o evento indicados nela.
A asistencia implica a aceptación destas condicións, das normas da sala e das indicacións do persoal de seguridade.
Pódese denegar o acceso a calquera persoa que non cumpra as normas de conduta, orde e seguridade establecidas pola sala ou pola organización.
Non se permite o acceso con obxectos perigosos, armas, substancias prohibidas, bebidas ou alimentos externos, salvo autorización expresa.

Acceso de menores de idade

O acceso de menores de idade está suxeito ás seguintes condicións:
As persoas menores de 16 a 17 anos, tras aboar a súa entrada, poderán acceder ao recinto nas mesmas condicións que as persoas adultas sen necesidade de ir acompañadas. Será imprescindible presentar o DNI orixinal para acreditar a idade.
Menores de 16 anos contactar con GALUNK PRODUCIÓNS , lora@galunk.com para solicitar información sobre o acceso.

A organización pode suspender ou interromper o espectáculo por razóns de seguridade, forza maior ou orde pública, sen que isto xere dereito a devolución se a entrada xa foi utilizada.
As entradas son válidas unicamente para uso persoal e segundo o formato indicado (pista, asento, etc.). Non se permite a reventa non autorizada nin o acceso con entradas falsificadas ou modificadas.
O titular da entrada comprométese a respectar as instalacións, ao resto do público e ao persoal da sala. Non se permite o consumo de substancias non autorizadas nin a realización de actos de discriminación, agresión ou acoso. A sala dispón de protocolo contra agresións e discriminacións.
O acceso e o tempo de permanencia están regulados polo aforo e as normas de seguridade. Se se superan os límites establecidos, a organización poderá impedir o acceso ou desaloxar espazos.
Accesibilidade e servizos
A sala é accesible para persoas con mobilidade reducida. Se fose necesario, deberase avisar con antelación para adaptar o acceso.
Pode existir servizo de gardarroupa segundo o formato do evento; o custo indicarase no propio recinto e a sala non se responsabiliza dos obxectos depositados sen ticket.
A organización poderá realizar controis de identidade, idade e documentación para verificar as condicións de acceso e o consumo de bebidas alcohólicas.

En caso de cancelación ou modificación do evento, aplicaranse as condicións de devolución determinadas pola organización e pola plataforma de venda de entradas.
A organización e a sala non se responsabilizan de perdas, roubos ou danos persoais dentro do evento, salvo neglixencia demostrada.
O comportamento do público deberá respectar tamén o descanso veciñal e o entorno do recinto.

A entrada pode estar suxeita a inspección no control de acceso. Se se detecta falsificación, reventa non autorizada ou anomalías, poderase denegar o acceso ou expulsar á persoa asistente sen dereito a devolución.
A entrada non caduca antes do comezo do evento indicado e debe conservarse ata a saída definitiva.
Ao acceder ao recinto, a persoa asistente declara que leu e acepta estas condicións e as do recinto.